Pidato Bahasa Jawa tentang Adiwiyata

Assalamualaikum Wr Wb

Ibu Kepala SMPN 20 Malang ingkang kawula kurmati

Bapak Ibu guru ingkang kawula bekteni

Para staff ingkang kinurmatan lan

Para kanca sing tak tresnani

            Purwakaning atur sumangga kita kanthi sesarengan ngaturaken  puji syukur dumatheng Gusti ingkang maha agung ingkang sampun paring rahmat,taufik,sarta hidayah saengga kita taksih kepareng nyawiji manunggal  wonten ing papan mriki.

            Wonten ing wekdal punika kula badhe medharaken bab ngolah sampah anorganik lan organik. Dipunpirsani saking lingkungan sekolah kita,ingkang taksih wonten sampah ingkang kececeran inggih punika sampah ingkang arupi sampah plastik,sampah tedhan utawi sampah kertas.Sejatosipun tempat sampah ingkang dipunsediaken sekolah menika sampun memadai lan ana 2 warna inggih punika warni  biru damel sampah organik lan warni kuninng damel sampah anorganik.

Wonten ing mriki keparenga kula badhe njelasaken bab ngolah sampah organik. Awalipun ron garing dipunselep sakatah-katahipun.Saksampunipun dilebetaken wonten wadah ageng nomer  I lajeng diparingi bio kompos kaliyan toyo nggunakaken ukuran ingkang sampun diukur lan dipunsiramaken marang ron ingkang sampun diselep.Saklajengipun dipuncampur ngantos roto damel tahap sepisan,saksampunipun setunggal minggu dipuntingali kaliyan dipunudek ngantos roto.Saksampunipun setunggal wulan dipunpindahaken wonten wadah ageng nomer II.Wonten ing wadah ageng nomer II menika kedadeyan proses kompos, saklajengipun ditambah bio kompos kaliyan toyo ngantos dados bubuk.Kalih minggu sepindah dipunudek,ngantos 30 dinten dipunpindah wonten wadah  ageng ingkang nomer III. Saksampunipun dipunpindah wonten wadah nomer III lajeng diayak ngantos dados pupuk organik. Saklajengipun pupuk organik menika dibungkus ndamel plastic.Menawi sampah anorganik,plastic menika saged dipunpilah lan saget dipundamel malih.

            Mugi-mugi kita sedaya saget ngertos menawi pentingipun njagi karesikan ing lingkungan sekolah,amergi ing lingkungan sekolah menika kahananipun resik,kita sedaya ngraosaken suasana nyaman lan mboten gampang kenging penyakit.

            Cekap semanten atur kula,menawi atur kula kirang duga lan wonten kalepatan kula nyuwun agunging samodra pangaksami.Matur nuwun

Wassalamualaikum Wr Wb